TACLOBAN CITY – Nag negatibo na ha Pyrodinium bahamense, usa nga dinoflagellate nga naggagawas hin red tide toxin (saxitoxin) an duha nga kagatan ha rehiyon 8, amu an kadagatan han Leyte, Leyte ngan Villareal Bay.
Sumala kan Bureau of Fisheries and Aquatic Resources Regional Office 8 Information Officer, Christine Gresola, an mga meat samples nga nakuha tikang ha duha nga nasabi nga kadagatan in nag-negatibo na rason nga igintutugot na an panguha, pagkaon, ngan pagbaligya han mga pangti-on o ngatanan nga klase han shellfish.
Ha kaluyo han pag negatibo han duha nga kadagatan in padayon naman nga mahugot nga igindidire an pagkonsumo, panguha, ngan pagbaligya han ngatanan nga klase hin pangti-on ngan alamang mahitungod nga positibo la gihapon ha saxitoxin nga nagdudurot hin Paralytic Shellfish Poisoning an pito nga mga masunod nga kadagatan;
𝟏. 𝐃𝐀𝐑𝐀𝐌 𝐈𝐒𝐋𝐀𝐍𝐃, 𝑆𝑎𝑚𝑎𝑟
𝟐. 𝐙𝐔𝐌𝐀𝐑𝐑𝐀𝐆𝐀 𝐈𝐒𝐋𝐀𝐍𝐃, 𝑆𝑎𝑚𝑎𝑟
𝟑. 𝐂𝐀𝐌𝐁𝐀𝐓𝐔𝐓𝐀𝐘 𝐁𝐀𝐘, 𝑇𝑎𝑟𝑎𝑛𝑔𝑛𝑎𝑛, 𝑆𝑎𝑚𝑎𝑟
𝟒. 𝐌𝐀𝐓𝐀𝐑𝐈𝐍𝐀𝐎 𝐁𝐀𝐘 (𝐺𝑒𝑛𝑒𝑟𝑎𝑙 𝑀𝑎𝑐𝐴𝑟𝑡ℎ𝑢𝑟, 𝑄𝑢𝑖𝑛𝑎𝑝𝑜𝑛𝑑𝑎𝑛, 𝐻𝑒𝑟𝑛𝑎𝑛𝑖, 𝑛𝑔𝑎𝑛 𝑆𝑎𝑙𝑐𝑒𝑑𝑜)
𝟓. 𝐈𝐑𝐎𝐍𝐆-𝐈𝐑𝐎𝐍𝐆 𝐁𝐀𝐘, 𝐶𝑎𝑡𝑏𝑎𝑙𝑜𝑔𝑎𝑛 𝐶𝑖𝑡𝑦
𝟔. 𝐌𝐀𝐐𝐔𝐄𝐃𝐀 𝐁𝐀𝐘, 𝑆𝑎𝑚𝑎𝑟 (𝐽𝑖𝑎𝑏𝑜𝑛𝑔, 𝑀𝑜𝑡𝑖𝑜𝑛𝑔, 𝑃𝑎𝑟𝑎𝑛𝑎𝑠, 𝑆𝑎𝑛 𝑆𝑒𝑏𝑎𝑠𝑡𝑖𝑎𝑛, 𝐶𝑎𝑙𝑏𝑖𝑔𝑎, 𝑃𝑖𝑛𝑎𝑏𝑎𝑐𝑑𝑎𝑜, 𝐻𝑖𝑛𝑎𝑏𝑎𝑛𝑔𝑎𝑛)
𝟕. 𝐂𝐀𝐑𝐈𝐆𝐀𝐑𝐀 𝐁𝐀𝐘 (𝐵𝑎𝑏𝑎𝑡𝑛𝑔𝑜𝑛, 𝑆𝑎𝑛 𝑀𝑖𝑔𝑢𝑒𝑙, 𝐵𝑎𝑟𝑢𝑔𝑜, 𝐶𝑎𝑟𝑖𝑔𝑎𝑟𝑎, 𝐶𝑎𝑝𝑜𝑜𝑐𝑎𝑛 𝘪𝑛 𝐿𝑒𝑦𝑡𝑒)
Samtang, nagpapabilin naman nga ada la gihapon ha ilarom han LOCAL RED TIDE WARNING an mga masunod na kadagatan:
- 1. Coastal Waters of BILIRAN ISLAND
- 2. Coastal Waters of CALBAYOG, SAMAR
An isda, nu-os, pasayan ngan masag nga tikang hinin nga mga kadagatan in PWEDE IGKONSUMO bisan tikang hini nga mga kadagatan basta siguraduhon la naton na prekos an mga inin, tatanggalon an ira mga laman-loob, sugad han tina-i ngan hasang, ngan huhugasan hin maupay gamit an running water.
