TACLOBAN CITY – Patay an duha nga High Valued Target ha gindumara nga buybust operation han mga otoridad ha Brgy. 84 Manlurip, San Jose, Tacloban City.
Ginkilala an mga suspek kanda alyas Bong, alyas Palomo, ngan alyas Neneth, ada ha legal nga pangidaron, ngan mga residente han nasabi nga lugar ngan Brgy. Cogon Palo, Leyte.
Sumala kan PMaj. Marjorie Manuta, Information Officer hiton Police Regional Office 8, duha han mga suspek an namatay mahuman nga makig-pupsilay an mga ine ha mga otoridad ha buybust operation.
An namatay nga hi alyas Bong in numero 1 ine ha High Valued Individual han Top 10 Regional Priority List han Police Regional Office 8 ngan ika-duha naman ha listahan an live-in partner hine nga hi alyas Neneth.
Nakuha naman ha mga suspek an pito ka-pakete han gin aalegar nga shabu ngan mayda market value nga dire maubos ha P1M.
Ha pagkayana in nakapaslak na ha presohan hi alyas Neneth ngan mag-aatubang ha kaso pagtalapas han RA 9165 O Comprehensive Dangerous Drugs Act of 2002.
