TACLOBAN CITY – Patay an duha nga miyembro han CAFGU ngan usa nga mga sundalo samtang unom naman an mga samaran ha nahitabo nga engkwentro ha butnga han tropa han gobyerno kontra ha mga New People’s Army o NPA ha Sitio Cabatas, Brgy. 4 han Jipapad, Eastern Samar.
Sumala kan Capt. Reynaldo Aragones, tagapagyakan han Division Public Affairs Office han 8th Infantry Division, nagpapatrolya an mao nga kasundaluhan ngan mga miyembro han CAFGU han tigda nga bumuto an tulo nga nakatanom nga IED ha mao nga lugar ngan ginpauranan hira hin bala han mga gintutuohan nga mga rebelde.
Umabot naman hin sobra 10 minutos an nagin balyuay han buto ha duha nga kampo nga nagresulta ha tulo nga patay ngan unom nga mga samaran han tropa hiton gobyerno.
Ginkondena naman han Philippine Army an mao nga insidente nga himo han mga walhon nga grupo.
Hapagkayana in padayon nga nagpapaupay an mga nasamaran nga sundalo nga
CAFGU.
