TACLOBAN CITY – Ginpahimatngonan han Department of Trade and Industry (DTI) an mga establisyemento ha Tacloban City para han mahugot nga pagpapatuman han Price Tag Law, subay ha Republic Act 7394 o an Consumer Act of the Philippines.
Panuyuan hini nga balaod nga masigurado nga an mga produkto ngan serbisyo in may-ada sakto nga presyo ngan label agud nga maproteheran an katungod han mga kunsumidor.
Sumala kan Consumer Protection Division Chief, Anna Eunice A. Bayden, kaurugan nga nagigin isyu an pagkakaiba han presyo han price tag ngan aktwal nga kantidad nga nagawas ha cash register.
Kun an usa nga produkto in may-ada nakasurat nga ₱20,000 pero ₱21,000 an susukton ha resibo in klarado ini nga pagtalapas ha Price Tag Law.
Dugang pa han DTI, an anuman nga establisyemento nga magtatalapas in ira iimbestigahan.
Para naman ha mga karuyag magreklamo, kinahanglanon la magdara hin resibo o anoman nga evidensiya han imo pagpalit, valid ID, ngan form ha opisina han DTI.
Labot pa ha Price Tag Law, regular gihapon nga ginmo-monitor han DTI Tacloban an presyo ngan suplay han mga pangunahon nga papliton sugad han sardinas, instant noodles, karne, detergent bar, ngan iba pa
Panuyuan hini nga siguraduhon nga sakto an suplay han mga pangunahon nga papliton ngan dire masobra ha Suggested Retail Price (SRP). (via Bombo Shiela Encio)
