TACLOBAN CITY – Nagdumara hin price monitoring an Department of Trade and Industry (DTI) Leyte Provincial Office ha mga produkto nga pan noche buena ha bugos nga probinsya.
Sumala kan Lily Larraga, Chief han Consumer and Protection Division han DTI Leyte Provincial Office, base ha ira monitoring nagkamay-ada yana hin 1-12% nga increase ha mga noche buena products sugad han fruit cocktail, pasta, spaghetti sauce, condensed milk, creamer ngan iba pa kumpara ha suggested retail price (SRP) han nakalabay nga tuig.
Dugang pa hini nga may pira gihapon nga mga distributor nga nagpasabot na nga daan ha ira nga magkakamay-ada gihapon hin increase matungod han pagmahal hiton pira nga mga raw products.
Ginklaro naman hini nga magdudumara pa hira hin pinal nga monitoring kun magpalusad na hin final suggested retail price (SRP) an DTI central office.
Samtang nagpahimatngun naman ini ha mga naghihinay hinay na yana pamalit hin para noche buena nga panginano-on hin maupay an date of expiration han kada produkto.
