TACLOBAN CITY – Ginpahibaro han Department of Trade and Industry (DT) Eastern Visayas, nga magkamamayda hin Trade Fair ha maabot nga Agusto 15-18, 2024, ha usa nga mall ha syudad nga nahihimutang ha Abucay Terminal Tacloban.
Sumala kan Aivi Borbon Ancheta, Information Officer III, Department of Trade and Industry (DTI) Regional Office 8, nga an “Gawang Otso Trade Fair” in mahagos hin 4 ka-adlaw, kun diin tatambungan ine han magkalain-lain nga MSMEs o mga local producers tikang ha magkalainn-lain nga probinsya ha rehiyon.
Dugang pa hine, nga an nasabi nga buruhaton in agud nga tagan hin suporta adton mga local traders, ngan agud nga matagan hira hin iwag nga maiparayaw an kahusay, ngan karasa han mga pagkaon nga himo han mga ine.
Usa gihapon ha gintatagan hin duon han buhatan hiton DTI-8, in agud magkamayda an mga local traders hin kilala nga mga dagko nga mga buyers para ha ira mga produkto.
Nanawagan naman an nasabi nga tagapagyakan, ha tanan nga mga Taclobanon, magin an dire taga Tacloban, nga maki-usa ha pagdudumaraon nga Trade Fair sunod nga semana.
