NATIONAL – Gin pahayag ni Social Welfare and Development Secretary Rex Gatchalian an pagdig-on han gobyerno nga puypuyon an child labor ha nasud.
Kadungan han pagsalin-urog han World Day Against Child Labor yana nga adlaw, ginmalatumat ni Gatchalian nga an child labor in nagruruba hin kagawasan, pagka-inosente, ngan mga katungod han kada bata.
Dugang pa hine, importante nga pagbubligan han bug-os nga kumunidad ngan atuhan ine pinaagi han pagpapadig-on han balaod, paghahatag hin sakto nga bulig pankumunidad, ngan pagbulig ha mga pamilya nga magkamay-ada hin disente nga trabaho.
Mababaruan nga ha ilarom han SHIELD program han DSWD, sobra 12,000 nga child laborers na an nabuligan han ahensya tikang han 2021 kutob 2024, kun diin 4,000 ha mga ine an nahibalik na ha ira mga pamilya ngan kuminidad.
