-- Advertisements --
NATIONAL–Umabot na ha sobra P8.4-M an kantidad han humanitarian aid nga ginpanhatag han Department of Social Welfare and Development (DSWD) ha Albay agud nga buligan an mga pamilya nga naapetaran an pag-alburuto han Bulkang Mayon.
Sumala ha DSWD Asst. Secretary Irene Dumalo, ini in direkta nga ginduhol han disaster response operation ha mga local government units (LGUs).
Nagpapadayon gihapon an ira paghatag hin bulig labi na ha mga pamilya nga adto ha mga evacuation centers.
Maabot naman ha 1,100 nga pamilya o 4,000 nga indibidwal an gin-iginbakwit ngan temporaryo nga ada ha 12 ka evacuation centers han probinsya.
Mababaruan nga ada ha Alert Level 3 la gihapon an Mayon Volcano.
