TACLOBAN CITY– Dayon nga nakaghatag hin intervention an Department of Social Welfare and Development (DSWD) Region 8, ha pamilya han namatayan ngan mga nasamaran nga estudyante, kanit la gihapon ine ha natabo nga insidente hiton panmusil ha San Jose National High School.
Sumala kan Atty. Jonalyndie Chua, Regional Information Officer Department of Social Welfare and Development Regional Office Vlll, dayon hira nga naghatag hin tag P10,000 nga pauana nga ayuda han ira buhatan ha mga namatayan ngan sugadman mga nasugatan na estudyante.
Dugang pa ni Chua, nakaghatag gihapon hira hin psychological first aid, ha mga estudyante nga nakadto ha ospital, sugadman an mga namatayan nga kag-anak in kalakip ha ira gintagan han nasabi nga psychological first aid.
Padayon gihapon hira nga nakikipagsumpayan ha mga partner agencies ha mga panginahanglan han tanan nga biktima han panmusil.
Samtang naka schedule naman an ira psychological first aid, buwas nga adlaw para ha mga naapektaran nga mga estudyante ngan na trauma han panhitabo.
Mahagos naman hin 3 ka-adlaw an ira pagbubuhaton nga psychological first aid ha mga dabi han insidente.
