TACLOBAN CITY — Umabot ha ₱130,000 an pauna nga bulig pinansyal nga iginhatag han Department of Social Welfare and Development (DSWD) Field Office VIII ha mga biktima ngan pamilya nga naapektaran han shooting incident ha San Jose National High School Tacloban City.
Sumala kan DSWD Secretary Rex Gatchalian, nagpapabilin nga nakabantay an ahensya ha paghahatag hin kadugangan nga suporta, kalakip na an psychosocial interventions sugad han grief ngan trauma counseling para ha mga nabayaan nga pamilya ngan nasamaran.
Dayon gihapon nga nagpadara an DSWD hin mga social worker agud nga tumutok ha mga pamilya han mga biktima ngan ha mga ospital kun diin gintatambal an mga samaran.
Ginsigurado gihapon han kalihim nga ada ha kustodiya na han DSWD an duha nga menor de edad nga dabi han insidente ngan presente nga nagpapailarom ha mga proseso nga nasusubay ha balaod para ha mga kabataan nga may kaso.
Gin-esplikar naman hine, nga mayda probisyon an Juvenile Justice and Welfare Act para ha mga menor de edad, may baratuon la gihapon an mga kag-anak kun mapapamatud-an nga nagkamayda hin kapabayaan, labi na ha himangrawon nga ag-access hiton pusil.
Dugang pa ni Gatchalian, padayon an imbestigasyon han mga law enforcement agencies agud nga matudlok an ngatan.
Nanawagan naman ine ha publiko nga magin responsable ha paggamit han social media ngan likayan an pagpapasarang han mga sensitibo nga ladawan o impormasyon nga pwede magdurot utro in trauma ha mga biktima ngan pamilya
