TACLOBAN CITY – Nabungkag ha gindumara nga drug buy bust operation han mga otoridad an usa nga drug den ha Brgy. Zaragosa, Matalom Leyte.
Sumala kan Rogellette Urgel, tagapagyakan han Philippine Drug Enforcement Agency (PDEA) Regional Office 8, an pagkakadismantle han mao nga drug den in nagresulta han pagkaaresto han tulo nga mga drug suspects.
Ginkilala an mga ini nga hira Arvie Miras, drug den maintainer, Mary Lastra, drug den co-maintainer ngan hi Rogelio Miras.
Nakumpiskar han mga otoridad ha mao nga operasyon an napulo ka-sachet han gintutuuhan nga shabu nga may kabug-aton nga 17.03 grams ngan estimated market value nga P115, 806.
Ha pagkayana in naatubang na an mga suspek ha kaso nga pagtalapas han RA 9165 o an Dangerous Drugs Act of 2002 ngan temporaryo nga nakadetine ha Matalom MPS Lock-up Facility.
