TACLOBAN CITY – Usa nga drug den ha Brgy. Ichon, Macrohon, Southern Leyte an nabungkag han mga otoridad ha gindumara nga buybust operation.
Ginkilala an mga suspek kanda Jehinnes Alarcon (maintainer), 49-anyos an pangidaron, Marjon Diola (co-maintainer), 37 anyos, Dexter Isma (visitor), 37-anyos, Juve Dayola (visitor), 33 anyos, ngan Kenneth Batistil, 35-anyos an pangidaron, ngatanan residente han nasabi nga barangay.
Nakuha ha mga suspetsado an walo ka-sachet han gin aalegar nga shabu nga mayda kabug-aton nga dire maubos ha 20.1 kagramos ngan mayda estimated market value nga P136,500 ngan iba pa nga mga drug paraphernalias.
Ha pagkayana in temporaryo nga nakapaslak an mga suspek ha Macrohon Municipal Police Station Lock-Up Facility ngan mag-aatubang hin kaso pagtalapas ha R1 9165 o Comprehensive Dangerous Drugs Act of 2002.
