-- Advertisements --
TACLOBAN CITY- Patay an driver han usa nga Construction Company mahuman nga masabugan han guintanom nga imporived explosive device ( IED) han mga guintutuuhan nga rebelde grupo ha kabukiran nga parte han Barangay San Jorge, Las Navas, Northern Samar.
Guinkilala han mga otoridad an biktima nga hi Henry Soriano y Sendana, 38 anyos an pangidaron ngan residente han Mangaldan, Pangasinan.
Basi ha inisyal nga report han Las Navas PNP , nga nakasakay an biktima ha guinmanihuan hini nga sarakyan ha mao nga barangay kun diin sakto naman an pagbuto han natura nga bomba nga naging hinungdan han dagmit nga pagkamatay han suspek.
Guintutuuhan nga binuhatan han rebelde nga grupo an guintanom nga bomba ha mao nga lugar.
