TACLOBAN CITY–Nagpahinumdom an Department of Public of Works and Highways (DPWH) ha mga empleyado hini nga diri umentra hin bisan ano nga klase hin politikal nga aktibidad ilabi na na nga nagtitikapaso iton kampanya ha May 13 midterm elections.
Una hini nagpalusad hin memorandum hi DPWH Secretary Mark Villar han nakalabay nga Pebrero 15 nga nagmamando ha mga empleyado hini nga likayan an pangakampanya para ha bisan hin-o nga politiko.
Subay ha Article XI-B han 1987 Philippine Constitution nga igindidiri ha mga empleyado o bisan hin o nga civil servant ngan miyembro nga magpartisipar ha directly or indirectly ha bisan ano nga aktibidad pampulitika labot la han pagbotos.
“No officer or employee in the civil service, as well as any member of the military, shall engage, directly or indirectly, in any electioneering or partisan political activity, except to vote.”
Sumala kan Engr. Gerald Pacanan, head heton DPWH Leyte second district engineering office permanente niya ginpapahinumdom ha mga empleyado an kabahin han memorandum ngan magin mabintayon gihapon ha ira pagpagawas han ira mga opinyon kabahin han pulitika.
Dugang pa hini nga kinahanglan sumunod an bisan hin-o nga empleyado han gobyerno regular man o job order.
“Whether you are a regular or job order employee, as long as you are working in the government, we must adhere to this call, so I constantly remind them about this during meetings and flag-raising ceremonies,” pahayag ni Pacan.
Ginsiguro liwat hini nga maatubang ha kaangayan nga penalidad an mga empleyado nira nga matalapas hini.
Mababaruan nga pupwede mapriso hin kutob unom kabulan pero diri malapos hin usa katuig ngan pagkatanggal ha posisyon an hin-o man nga empleyado ha gobyerno nga matalapas han civil service law.
