NATIONAL – Ginhuman ni Filipino gymnast Carlos Yulo an iya kampanya ha Paris Olympics kumo double gold medalist.
Hi Yulo an pinakasyahan nga double Olympic gold medalist han nasud mahuman nga magdaog ine utro ha men’s artistic gymnastics vault final nga gindumara ha Bercy Arena, kakulop nga adlaw, Agusto 4.
Nagpasikat ine ha iya syahan nga vault kun diin nakakuha ine hin 15.433 points, ha ikaduha nga vault hine in nakakuha naman ine hin 14.800 points.
Samtang nakada pa ine ha momentum han iya golden performance ha floor exercise, an 24-anyos nga hi Yulo in nakakuha hin average nga 15.116 nga puntos ha vault nga nagbutang ha iya ha syahan nga pwesto han nasabi nga mulay ngan nag-uli han ika-duha nga gold han nasud.
Gin dedicate naman ni Yulo an iya kadaugan ha ngatanan nga Pilipino sumuporta han iya journey ha mulay.
