INOPACAN, LEYTE – Nagtutuo hi Department of Tourism Sec. Christina Garcia Frasco nga pinaagi han pag hingayad han tourist rest area in makabulig ini nga makag hatag hin siguridad, kalipayan ngan enjoyment ha mga turista ha ira pag bisita ha mga tourist destination nga may-ada an Inopacan.
Sugad man makakabulig ini pag aghat ha mga turista nga bumalik pa ha mao nga lugar agud padayon nga makag hatag hin panginabuhi ha mga katawhan.
Sumala pa han sekretarya, an turismo in usa ha mga industriya ha Pilipinas nga naghahatg hin dako nga kontribusyon ha ekonomiya, kun diin, subra 16 milyon nga mga Pilipino an nagkamay-ada hin trabaho pinaagi han tourism industry sugad man purluminos P760 bilyon an kontribusyon han turismo ha nasyunal nga ekonomiya, rason han paghingayad han mga tourism structures agud humitaas ngan mapaupay an kalidad ngan eksperyensya han mga turista ha nasud.
Dugang pa hini, an panuyuan ha pag hatag hin importansya ha mga tourism development in an pag hatag hin assistance ha mga lokal nga pangobyernohan han nasud.
Natuod gihapon an sekretarya nga an pag iinvest ha turismo ngan destinasyon han usa nga lugar pinaagi han paghahatag hin national government support ha mga plano ngan ideya han mga lokal na panggobyernohan in ngatanan mabubuligan ngan malilipay.
Duon pa, an turismo in dapat usa nga butang han economic tool agud magkamay-ada hin pagbabago ha usa nga lugar ngan makabulig ha kinabuhi han mga Pilipino.
Gin malatumat pa hini nga excited hiya ha magiging oportunidad nga maihahatag han tourism industry ha rehiyon kumo tourism destination mahitungod ha magkalain-lain nga mga oportunidad nga maihahatag diri la ha mga tourist spots ngan mga isla kundi pati gihapon an kaupay han kultura, heritage, festivals, pagkaon ngan an kamahigugmaon han mga Leyteños ngan Sinirangan Bisayas. (via Bombo Niña Magpili)
