TACLOBAN CITY– Ginbaton han Don Orestes Romualdez Electric Cooperative, Inc. (DORELCO), an mga pamakiana han mga konsumidor kun kay-anu nagkamayda hin paghitaas han sukot hiton kuryente.
Sumala kan Chris Garcia, Assistant General Manager DORELCO, dire la an ira kooperatiba an nag-increase han bill, haros tanan nga kooperatiba an naghitaas hin sukot ha kuryente.
Dugang pa ni Garcia, usa ha mga rason han paghitaas han sukot han kuryente an gintatawag nga line rental, adton mga generators o suppliers han mga kuryente ha bug-os nga rehiyon nga nagkinahanglan hin maintenance.
Gintagan gihapon hin kabatunanon ni Garcia, an mga natatabo nga mga unscheduled power interruption, nga naabat han publiko, ine naman ine matungod han pag-shutdown han mga generators nga nagsusuplay hiton kuryente ha mga kooperatiba.
Usa mangud nga nakikita nga rason han ira buhatan, an paghitaas hiton demand han kuryente han mga konsumidor rason nga nahamubo an suplay hine.
Mababaruan nga haros P2.00 kph an nahidugang nga kabaraydan han kada kooperatiba.
