NATIONAL – Nagpahimatngon an Department of Labor and Employment (DOLE) ha mga job seekers kontra ha mga peke nga trabaho ngan financial scams yana nga graduation season naliwat.
Ginhinumdom ni DOLE Sec. Bienvenido Laguesma nga ha nakalabay nga duha katuig, ginamit han mga scammer an peke nga litrato ni Presidente Ferdinand Marcos Jr. para igpromote an peke nga bulig-pinansyal ha ilarom han programa han DOLE nga Tulong Panghanapbuhay sa Ating Disadvantaged/Displaced Workers (TUPAD).
Kasumpay hine, ginpahayag han sekretarya nga labot la ha padayon nga information dissemination pinaagi han telebisyon, radio, ngan social media, nakikipag-sumpayan na gihapon hira ha Department of Information and Communications Technology (DICT) ngan law enforcement agencies mahitungod nga ine an responsable ha prosecution ngan enforcement.
Ha parte naman han DOLE, gintatagan daw nira hin inputs an nasabi nga ahensya.
Gin pakusog na gihapon an ahensya an information technology infrastracture hine agud maatuhan an cyberthreats.
