NATIONAL NEWS- Andam an Department of Justice (DOJ) nga igpailarom ha state witness program an government contractors nga hira Curlee ngan Sarah Discaya spananglitan nga mapamatud-an nga “most guilty” an mga ine ha daw ma-anomalya nga flood control projects.
Ginkumpirma ine ha Senate Blue Ribbon Committee chair Senator Rodante Marcoleta ha nagpapadayon nga motu propio inquiry han Senate Blue Ribbon ha daw korupsiyon ha flood control projects yana nga adaw hiton Lunes.
Ginpaki-anhan ni Senate Committee vice chair Senator Erwin Tulfo hi Senate Committee chair Marcoleta ha plano han komite kasumpay ha iginsumat han mag-asawa nga Discaya kasumpay ha hulga ha ira kinabuhi.
Manunumduman, una nga ginbuyagyag ni Sarah Discaya ha ira sworn statement nga ada ha kadelikaduhan an kinabuhi han ira pamilya.
Matungod hine, nagboluntaryo an Discaya nga magin state witness para igbandilyo an sabwatan ha butnga nhan mga manbaralaod, Department of Public Works and Highways (DPWH) ngan iba pa nga opisyal han gobyerno para himuon kun anu an sakto nga pitad.
Umapela gihapon an mag-asawa kan Sen. Marcoleta ngan Pangulong Ferdinand Marcos Jr. nga protehiran an ira pamilya.
