-- Advertisements --
NATIONAL – Utro nga nagpahimatngun an Department of Health ha publiko kasumpay ha kadelekaduhan nga dara han pabuto.
Nababaraka an ahensiya ha paghitaas han ihap han mga nabubuthan labi na nga an mayorya han mga biktima in mga kabataan.
Basar ha advisory nga ginpagawas han ahensiya, gindetalye hini an mga consequences nga possible matabo han mga nagpapabuto.
Kaupod na dinhi an pagkamatay, pagkautod han parte hiton lawas (tudlo, kamot, tiil), pagkabuta, pagkawaray hin pandungog, damage ha baga, pagka-poison ngan pagkasunog han panit.
Ginsagdunan han ahensiya an publiko nga magin disiplinado ngan magpabilin nga bigilante agud malikayan an pagkasamad dara hiton pabuto.
