-- Advertisements --
NATIONAL – Iginpatapod han Department of Health (DOH) nga mayda sakto nga suplay hin libre nga medisina para ha pagtambal han Human immunodeficiency virus (HIV) ngan testing kits.
Ini an nagin pahayag ni Health Secretary Ted Herbosa mahuman nga igrekomendar an pagdedeklarar ha HIV kumo national health emergency han manguna an Pilipinas nga may pinakahitaas nga ihap hin bag-o nga kaso han HIV ha Western Pacific Region.
Sumala kan Herbosa, kompleto an ira suplay han antiretroviral drugs ngan gintatagan na hin tulo ka-bulan nga suplay an kada usa nga pasyente kun napakadto ha ospital.
Dugang pa niya, libre an medisina ngan ginbabayaran ini han Philippine Health Insurance Corporation (PhilHealth).
