Ginkalampag han mga empleyado han Department of Health (DOH) an Office of the Ombudsman para imbestigahon an inaligar nga nakaka-alarma nga BID-Rigging ngan iba pa nga ginbuhat nga korapsyon ha sulod han ahensiya, in may kalabutan han inaligar nga paghilabot ha procurement process para ha 150 ka units hin Mobile Primary Care Facilities nga may presto nga P12-M Kada usa.
Ha reklamo nga ginserbe, hangyo han mga empleyado an dayon nga pag-usisa kontra kanda Health Secretary Teodoro Herbosa, Head Executive Assistant Atty. Brigida Romualdez-Aquino, ngan Executive Assistant VI Allan Tope matungod nga inaligar ha pagmamanipula han bidding, usa nga pagtalapas ha Anti Graft and Corrupt Practices act
Basar ha reklamo, an tulo ka opisyal in dire parte han Bids and Awards Committee (BAC) ngan waray otoridad pero utro utro nga nakikialam ha procurement para ha suplay, delivery, testing, ngan commissioning han nasabi nga Mobile Primary Care Facilities.
Gintudlik gihapon han reklamo nga tahasan nga pinapabalyo ni Secretary Herbosa, ha pamaagi han iya executive assistant nga hi Tope, an Terms of Reference (TOR) ngan ginduon nga sundon an ira ginbugos nga bersyon.
Dugang pa nira nga dire naman end-user han mga paraliton nga sarakyan an 3 ka opisyal kaya waray hira teknikal nga basaran in pagbag-o han specifications nga inaligar nga pagtalapas ha New Government Procurement Act.
Gintagan hin duon han mga empleyado nga an End User Unit la an may gahum nga bumugos hin technical specifications ngan an BAC an mismo may mando para ig-usisa ini. An inaligar nga paghilabot han tulo nga opisyal kay indikasyon hini han inaligar nga undue influence nga pumabor ha usa nga partikular nga supplier.
Sumala pa ha reklamo nagdurot na gihapon hin kahadlok ha rank and file employees an inaligar nga pag-presyur kaya humangyo hira ha Ombudsman nga mandohon an preventive suspension ha 3 ka opisyales.
Ginduso gihapon nira an oagbubuhat hin forensic examination ngan preservation han procurement records kalakip an TOR drafts, evaluations, email exchanges, ngan text messages in maiwasan an possible nga pag-delete o pagmamanipula hin ebidensya.
Para ba mga complainant, klaro ini nga indikasyon ha pagpabor ha usa nga supplier ha luyo han inaligar nga maluya nga performance ngan Kalidasa han mga syahan nga mga deliveries hini.
