TACLOBAN CITY- Umabot ha 51 nga kaso an nahipatik han Department of Health Eastern Visayas, kasumpay ha nagsasarang nga food poisoning mahuman nga maka-kaon an mga ine han gin-aalegar tamban nga isda.
Sumala kan Jelyn Lopez Malibago, Information Officer Department of Health Eastern Visayas, an nasabi nga ihap in mga taga-probinsya han Samar sugad hiton Sta.Rita nga mayda 35 nga kaso, Marabut 1, Villa Real 9, San Sebastian 4, ngan 2 naman ha Pinabacdao.
Dugang pa ni Lopez, nga food poisoning an nagin rason han mga ine matugod nga naka-abat hira hin pagakahilo- pagsusuka- pagsasakit han ulo, pagmamanhod han baba, kamot ngan tiil, magin an bug-os nga kalawasan.
Ginpapag-ikmat la anay an publiko, nga magin vigilante ngan siguraduhon nga an papalitan in kilala ngan presko pa an isda, ngan kun mahihimo in dire la anay mag konsumo han nasabi nga pangunahon nga pagkaon.
Gin-abisuhan naman hine an ngatan nga pananglitan maka-abat hin mga panmamanhod han lawas, pagsusuka ngan pagkahilo ngan pagsasakit hiton ulo, dayon na ine nga dad-on ha pinakaharani nga health center ha ira barangay.
Mababaruan nga ha pagkayana, nakapanguli na an maabot 45 ha ira nga panimalay, samtang an iba naman in padayon pa nga ginmomonitor han Department of Health Eastern Visayas.
