TACLOBAN CITY – Nagpahimatngon an Department of Health (DOH) Regional Office 8 ha publiko bahin han paglikay ha mga sakit nga posible nga makuha yana nga mahagkot nga panahon.
Sumala kan John Paul Roca, tagapagkayan han DOH 8, ha pagkayana kasagaran nga mga sakit nga nakukuha han publiko yana nga mahagkot an panahon amo an influenza o flu, pneumonia, bronchitis ngan iba pa.
Pinakadamo naman nga kaso nga nahipatik an sakit nga nga influenza o flu nga umabot na ha 165 an ihap yana pala nga bulan han Enero.
Ginpahayag naman han mao nga opisyal nga agud nga malikayan an mao nga mga sakit in kinahanglan nga magkaada hin sakto nga pahuway an usa katawo, pag-inom hin damo nga tubig ngan bitamina, pagkaon hin maupay ngan pagkakaada hin healthy lifestyle.
