NATIONAL – Gin pahuruhugot han Department of Energy (DOE) an panginano hine ha kabutang han suplay han kuryente ha mga isla ngan off-grid han nasud kumo baton ha kamanduhan ni Presidente Ferdinand Marcos Jr. nga siguraduhon an patas ngan abot-kaya nga access han kada Pilipino ha kuryente.
Sumala kan DOE Assistant Secretary Mario Marasigan, kaparehas ine ha mga problema nga naeksperyensyahan ha Siquijor nga kulang ha kapasidad han power generation ngan distribution.
Ha presente manggud, an Camotes Island in ginsusuplayan han Camotes Island Power Generation Corporation (CAMPCOR) gamit an diesel generators. Pero an single-phase distribution system han Camotes Electric Cooperative, Inc. (CELCO) in dire supresyente agud maihatag hin maupay an kuryente ha lugar.
Dugang pa hine, an pagde-deliver han diesel an nagigin problema gihapon labi na ha panahon han bagyo nga nagpapadelatar ha pagdudul-ong han fuel tikang ha Cebu.
