TOP STORY – Utro nga umapela an defense team ni anay Presidente Rodrigo Duterte agud ig diskwalipika an duha nga pre-trial judges han International Criminal Court (ICC) tikang ha pagdudumara hin desisyon ha hurisdiksyon han tribunal ha reklamo nga crimes against humanity kontra ha anay presidente.
Manunumduman nga syahan nga ginhangyo han kampo han anay Presidente dida han Mayo 1 an partial recusal o an dire pagbulig kanda ICC pre-trial Judges María del Socorro Flores Liera ngan Reine Adélaïde Sophie Alapini-Gansou tikang ha proceedings mahitungod ha daw “perceived bias” o posibilidad han pagigin bias hine, pero gin basura ine han ICC Pre-Trial Chamber dida han Mayo 5.
Ha panibag-o nga request nga ginsalawad han defense lawyer han anay Presidente nga hi Nicholas Kaufman ha ICC Presidency, gin hangyo hine nga ig diskwalipika an duha nga ICC judges ha pagsirot mahitungod ha isyu han hurisdiksyon.
Basar manggud ha Rules of Evidence and Procedure han ICC, nga ICC Presidency in ginbubug-os han ICC Presidente, First Vice Presidente ngan Second Vice Presidente in an magdedesisyon ha mga request agud ig ig-excuse o ig-diskwalipika an judges tikang ha page-exercises han ira mga trabaho.
Syahan naman nga nagdig-on hi ICC prosecutor Karim Khan nga napakyas an defense team nga igpakita kun an ira gin aakusa nga “perceived bias” ha duha nga ICC judges.
