TACLOBAN CITY – Gintikangan na han nakalabay nga semana, an temporaryo nga pagsuspender han pag sul-ot hin uniform ha Eastern Visayas State University (EVSU) Tacloban.
Sumala kan Dr. Lydia Morante Vice President for Academic Affairs Eastern Visayas State University, ine in subay ha ginpagawas nga memorandum han mao nga ekswelahan, kun diin temporaryo laanay iton pagsuspendir han pag-susul-ot hiton uniform han tanan nga mga faculty members, non-teaching personnel, ngan magin mga estudyante ha bug-os nga campus.
Panuyuan mangud hine nga memorandum, in agud magin komportable iton mga estudyante, mahitungod nga mapaso iton uniporme, para gihapon maiban-ibanan iton kapaso nga ira naabat ha luyo hiton hitaas nga temperatura ngan grabe nga kapaso hiton panahon.
Dugang naman han opisyal, nga ginoobligar lagihapon iton mga estudyante nga mag sul-ot hin desente nga bado sugadman an pag sul-ot hiton ira ID ha sakob hiton campus.
