TACLOBAN CITY: Nagahtag hin hibaro an buhatan hiton Dietitians Association of the Philippines Eastern Visayas Chapter, kasumpay ha pagkakamayda hin maupay ngan himsog nga panlawas.
Sumala kan Segundina Devota Dilao, RMD, President Nutritionist, Dietitians Association of the Philippines
Eastern Visayas Chapter, nga kinahanglan han usa nga indibidwal nga atimanan an iya panlawas labi na kun nagkaka-edad na.
Ginpaangbit naman hine an pagkakaon hiton bonay, pag-iinum hiton gatas ha kada aga in usa nga importante agud nga magkamyada hin kusog an panlawas hiton usa nga tawo.
Ginmalatumat naman hine, nga likayan an pag-ininom hin maghagkot nga irimnon, matungod nga ine in nagigin kawsa hiton pagdako han tiyan, mas makakaupay nga uminom hin maligam-gam nga tubig.
Ginsuhestyon gihapon han mao nga opisyal, an pagkaon hin mga natural nga pagkaon kun diin nagtitikang an mga bitamina, kumpara nga uminom hin mga food suppliment.
