NATIONAL NEWS– Ginlalauman yana an nakatalaan nga kolaborasyon han Department of Social Welfare and Development (DSWD) ngan han Department of Human Settlemnets and Urban Development (DHSUD) para ha pagpahaluag han housing support para ha mga kablasanon.
Gin-esplikar ni DHSUD Secretary Jose Ramon Aliling ngan ni DSWD Secretary Rex Gatchalian nga pwde magkamayda hin kolaborasyon ha butnga han duha nga departamento para ha paghahatag hin housing support ha mga pamilya nga aada ha kakarsadahan ngan magin para ha mga benepisyaryo han Pantawid Pamilyang Pilipino Program (4P’s).
Nagpasalamat naman hi Aliling ha DSWD matungod ha pagigin abre hine ha pakikipagsumpayan para ha mga pamilyang Pilipino nga nanginginahanglan hin bulig tikang ha gobyerno.
Ha kaluyo hine, nag-aaro naman hin listahan an DHSUD sa DSWD para mahibaruan kun hira hino an mga benepisyaryo nga nagkikinahanglan hin housing support pinaagi hiton transition shelters o magin han permanente nga mga panimalay.
