NATIONAL – Ginpapakusog han Department of Human Settlements and Urban Development an ira pangandaman ha ginlalauman nga epekto han mga paulpot nga bagyo ha nasud kun diin ginpapahugot na nira an ira disaster preparedness efforts.
Kasunod ha direktiba ni Pres. Ferdinand Marcos Jr., Ginpapadagmit gihapojn han ahensya an mas aktibo nga papel han mga Regional Director ngan Officer-in-Charge kumo Shelter Cluster Leads ha ira rehiyon.
Gintagan hin bug-at ni DHSUD Secretary Jose Ramon Aliling nga an mga opisina ha rehiyon in angay magserbe kumo koordinasyon nga sentro pag-abot han mga kalamidad nga may kalabutan ha shelter, labi na ha mga high-risk areas.
An mga pitad in nag-uupod hin mas duok nga kolaborasyon ha mga lokal nga pangobyernohan agud masiguro an hapsay ngan madagmit nga pagresponde durante han mga kalamidad.
Ginmandoan gihapon an mga opisina ha rehiyon nga magpasa kada adlaw hin situational reports para hin mas epektibo nga pagmonitor han mga panginahanglan ngan mga pagbaton ha mga apektado nga lugar.
