TACLOBAN CITY – Ginklaro han Department of Foreign Affairs Consular Office Tacloban nga diri hira konektado ha bisan ano man nga travel agencies, computer shops, mga fixers, appointment setters ngan mga manning agencies nga asya an gingagamit para naman magpabook han mga online appointment para han pagkuha hin slot han passport.
Sumala kan Audrey Lilang, Information Officer hitun DFA Consular Office Tacloban nga mayda hira nakakarawat nga mga impormasyon nga mayda mga pipira nga mga katawhan an nag ooffer hin serbisyo pinaagi naman ha online nga kun diin, ginpapatapod hini nga sigurado nga makakakuha hin slot an usa naman nga aplikante.
Pag eksplikar pa hini nga diri bot signgon nga mayda nakukuha nga mga slot an mga fixer in mayda na daw hira tawo ha DFA, posible manggud daw nga 24 hours an mga ini nakabantay ha ira pag aabre han mga slots.
Ginpasabot gihapon hini nga mayda na daw hira gin iimbestigaran may paghisumpay hini ngan kun masabtan ngan mapamatuod an alegasyon in an suspetsado in mabubutang ha look-out list han DFA ngan diri na makakapag renew o matatagan hin passport.
“To clarify, we are not in any way connected with travel agencies, computer shops, ini nga mga fixers, appointment setters ngan mga manning agencies. Clarify la namon, DFA Tacloban, and other brances ni DFA, whole department is not in any way related with them” yakan ni Lilang.
Nakakag akomodar naman hin 200 katawo kada adlaw an Consular Office ha Tacloban nga makakagproseso han mga requirements nga kinahanglanon para makakuha hin passport.
Dugang pa hini nga bisan paman nira gustuhon nga dugangan an ira gin aabrehan nga slots in kinahanglanon naman nira nga huna-hunaon an kapasidad han ira opisina agud nga makaghatag naman hira hin quality service ngan diri macompromise an ira naman trabaho.
“We also don’t want to compromise the kind of work that we do para ha atun katawhan. Kay bangin mag sosobra kami, diri lugod maasikaso an atun mga kliyente. As much as possible we like nga magin maupay an atun serbisyo” pagklar ni Lilang.
Mayda naman 100 per day slots nga gin abrehan an Consular Office han Tacloban para naman ha bulan hitun Agosto 2023.
