TACLOBAN CITY – Maabot ha 42, 765 nga mga officially enrolled nga mga estudyante ha bug-os nga Tacloban an kapot nga datos yana hiton Deped Tacloban City Division.
Subay hiton Deped Tacloban City Division, nga ha kaluyo nga nagtikang yana nga adlaw an syahan nga klase hiton S.Y. 2025-2026, ginlalauman nira nga madudugangan pa an mga estudyante kutob sunod nga semana.
Sumala kan Dr. Nilo Eder, Information Officer Deped Tacloban City Division, nabatasan na mangud hiton mga kag-anak, nga igpa enroll an ira mga anak kun opisyal na nga nagtitikang an klase.
Dugang pa ni Eder, ine nga batasan in dire angay igpadayon matungod nga nababayaan an mga kabataan ha ira syahan nga mga lessons nga ginhahatag han ira mga magturotdo.
Sanglit, nga gin-aaghat hine an mga kag-anak nga dire na maglinangan-langan, lugod in updan na an ira mga anak ha pinaka harani nga eskwelahan, agud nga igpa enroll an mga ine.
Ha lain nga bahin, ginlalauman naman nga ha masunod nga semana magtitikang an klase hiton mga private school ha elementary ngan secondary level.
