TACLOBAN CITY– Nakalatag na an pira nga mga aktibidadis hiton Department of Education Tacloban City Division para hiton end of school year activities para hiton S.Y. 2025-2026.
Sumala kan DepEd, Tacloban City, Division, Information Officer, Dr. Nilo Eder, nga ha masunod nga bulan hiton Abril, 11, 14-15 an nakatalaan nga petsa kun diin pagdudumaraon an nasabi nga end of school year activity.
Madepende naman ha mga eskwelahan kun anu nga petsa hira magdudumara hiton graduation, ngan moving-up ceremony.
Dugang pa hine, mahugot nga gindidire an pagkuha hiton guest speaker nga politician, agud nga malikayan nga makoloran an edukasyon hiton politika.
Gindig-unan gihapon ni Eder, nga padayon an ira ginduduso nga aragmot hiton mga kag-anak yana nga tidaraon nga paghuhuman hiton klase.
Nanawagan naman ine ha mga kag-anak, partikular na adton mahilig rumeklamo, nga manginano anay ugsa nga magpagawas hin sentimento.
Aminado naman hi Eder, nga waray hira kapas nga pagbawalan an mga kag-anak nga magpagawas han ira reklamo, matungod nga mayda an mga ine katungod nga magpagawas han ira mga pamakiana.
