TACLOBAN CITY – Ginklaro han DepEd Tacloban City Division, nga kinahanglan la gihapon nga mag-report adton mga School head ha ira mga tagsa-tagsa nga eskwelahan, ha kaluyo han pagsuspinder han klase.
Sumala kan Dr. Nilo Eder, Information Officer Deped Tacloban City Division, ine in matungod nga an klase la mangud an ginsuspender dire an trabaho, sanglit required an mga ine nga pumakadto ha eskwelahan.
Ginklaro naman nga an face to face la an ginsuspinder ngan nagkamayda an mga ine hin modular learning agud nga dire magin kawang an bug-os nga adlaw.
Una hine nagpalusad an lokal nga pangobyernuhan hin Executive Order nga nagmamandu ha tanan nga lebel nga waray klase.
Mababaruan, ada mangud ha 60 nga mga public school an mayda an syudad han Tacloban ngan mga ine in temporaryo nga ginsuspinder matungod han Bagong Pilipinas Serbisyo Fair Caravan.
