TACLOBAN CITY – Gintagan hin kabatunan hiton DepEd Tacloban City Division, an kasumpay ha nag-viral hasocial media post nga nagkwe-kwestyon han nagtitikadamo nga istudyante nga nakakakarawat hin awards pero nauurhi naman ha Program for International Student Assessment o PISA.
Sumala kan Dr. Nilo Eder, Information Officer hiton DepEd Tacloban City Division, magka-iba an parametrics nga gingagamit ha PISA ngan ha paghahatag hin awards ha mga istudyante.
Basar ha presente nga sistema han DepEd ha pagko-compute han general weighted average (GWA) agud magin basaranan ha mga tatagan hin pagkilala ngan award, an mga istudyante nga nagkamay-ada hin kabug-usan nga grado nga 90 to 94 in otomatiko nga “with honors.” Kun 95 to 97, “with high honor” ngan kun 98 to 100, naman in “with highest honor.”
Gintanggal na manggud an titulo nga “valedictorian,” “salutatorian,” ngan “honorable mentions” tikang ha igpatuman an K to 12 program.
Ha sugad nga pamaagi in malilikayan daw an kompetisyon ha butnga han mga istudyante.
