TACLOBAN CITY– Padayon nga nakaka-abat hin pag-uran an Northern Samar matungod han shearline.
Sumala kan Dr. Gaudencio Aljebe Jr.School Division Superintendent, DepEd Northen Samar, nga ha pagkayana waray pa klase an ira nasasakupan kasumpay gihapon ine abiso nga ginpagawasan han ira gobernador, agud nga maprotehiran an katalwasan han mga estudyante magin adton magturotdo.
Dugang pa ni Aljebe, magduduha na ka-adlaw yana, matungod nga kakulop pa hira nagpatuman hin suspension of classes.
Samtang, kadungan han pagpatuman hin suspension han klase, nagpatuman gihapon hin work suspension ka-kulop nga adlaw.
Nakaghipatik naman hin pagbaha, an Allen, Gamay, Victoria, Mondragon Catubig, ngan Pambujan Northern Samar.
Ha pagkayana, padayon pa an ira paningkamot nga makuha an sitwasyon ha Lope de Vega Northern Samar.
Ginklaro naman hine, an kasumpay ha nagsarang ha social media nga usa nga eskwelahan ha Barangay Giguimitan Silvino Lobos, Northern Samar,
an igbusay na mahi-anod matungod han kakusog hiton uran nga nagresulta hiton pagparik han pundasyon han tuna.
Ginsigurado naman ni Aljebe, nga waray naman may nadarahigan nga estudyante tungod han panhitabo, tungod nga nakapangandam na an nasabi nga eskwelahan ha posible nga resulta han pag-inuran.
Ha kaluyo han suspension, padayon naman an ira monitoring ngan trabaho han ira opisina.
