NATIONAL NEWS– Gin-aprubaran na han Department of Budget and Management an hangyo hiton DepEd para ha 20,000 nga mga bag-o nga teaching positions para yana nga tuig 2025, kumo baton ha mandato ni Pangulong Marcos Jr. nga paupayon an kalidad han edukasyon.
Pira ha pupun-an nga posisyon an ginkakalakipan han Teacher I, Special Needs Education Teacher (SNET), ngan Special Science Teacher I, nga igpapandistribwer ha tanan nga rehiyon, ngan an pinakadako in ha Region IV-A, Region III, ngan Region VII.
Sumala kan Education Secretary Sonny Angara, panuyo hine nga maibanan an bug-at hiton trabahuon han mga magturotdo ngan mapaupay pa panutduan ha mga estudyante.
Tinikangan han Agosto 2024 – Abril 2025, humamubo na an bakante nga posisyon tikang ha 72,964 nga ha 38,862— ngan matungod hine, umabot hin 96.03% an national filling rate.
Ginpadagmit gihapon an deployment pinaagi hiton pagpapagawas han NOSCAs han DBM ha mga Schools Division Offices ngan Implementing Units.
Mababaruan nga kalakip ha reporma an ginlunsar han DepEd nga pahitaas an
teaching allowance ha ₱10,000, mas klarado nga workload policies, ngan mas damo nga oportunidad para ha promosyon.
