TACLOBAN CITY– Ginklaro hiton Deped City Division, Tacloban City an kasumpay hiton Academic Recovery and Accessible Learning (ARAL) Program Act (Republic Act No. 12028) ngan DepEd Order No. 018, s. 2025.
Sumala kan Dr. Nilo Eder,Information Officer Deped City Division, Tacloban City, nga adton makaka-avail hine nga ARAL Program ngan DepEd Order, adton mga magturotdo nga sobra 6 ka-oras na an ira trabaho ha usa ka-adlaw.
Kanit ine ha gumawas nga himangrawon kasumpay hiton eaching overload pay o vacation service credits an mga magturutdo han pampubliko nga ekwelahan nga magsisirbi nga tutor ha Academic Recovery and Accessible Learning o ARAL program.
Sumala ha DepEd, magsisirbi nga remedial classess ngan maki-credit kumo kaparte han ira teaching load an tutorial sessions han mga magturutdo ha nasabi nga programa.
Karuyag signgon, makakarawat hin teaching overload pay an mga magturutdo nga magri-render hin tutorial services kada weekdays kun pagbuhaton ini hin sobra ha 6 ka-oras han ira pagtututdo ha classroom.
Samtang an mga magturutdo naman nga magtututdo ha weekend, holiday, ngan long vacations periods in pwede naman nga makakuha hin Vacation Credits.
