TACLOBAN CITY– Ginpaangbit han Department of Education Tacloban City Division, an mga ira mga nakahan-ay nga aktibidadis yana nga paghuhuman hiton S.Y.24-25.
Sumala kan Dr. Nilo Eder Information Officer, Deped Tacloban City Division, kinahanglan nga mahuman an graduation ngan moving-up hiton mga estudayante ha Abril 15, han presente nga tuig ha tanan nga mga eskwelahan.
Mahugot naman nga ginpapagbawal an tanan nga mga eskwlehan nga mag-imbitar hiton mga politician kumo guest speaker ha pagdudumaraon nga graduation para hiton S.Y. 2024-2025, ine gihapon in kasumpay ha nagtitikaharani nga piniliay.
Nagdig-on an nasabi nga opisyal, nga an Department of Education , in non-partisan nga buhatan, ngan nadire hira nga mabutangan hin bisan anu nga kolor hiton politika an edukasyon.
Dugang pa ni Eder, nga magtitikang naman an undisturb vacation han mga magturotdo ha Abril 19- Mayo 18, 2025.
Samtang pag-abot naman hiton Mayo 19, in magtitikang na an Brigada Eskwela, ngan pag-Hunyo 16, an katikangan hiton klase.
