TACLOBAN CITY – Ginpahibaro han Department f Education DepEd Eastern Visayas, nga padayon an ira ginhihimo nga monitoring ha bug-os nga rehiyon ha pagtikang han opisyal nga klase han Hulyo 29,2024.
Sumala kan Jasmin Francisco Calzita, Information Officer han Department of Education Eastern Visayas, padayon an pangarawat han mga public ngan private school han mga karuyag mag enroll para han S.Y. 24-25.
Ginmalatumat pa hine, nga ha ira nagin datos mayda na maabot 928, 509 nga mga officially enrolled ha bug-os na rehiyon.
Ha mao nga ihap 50, 280 an nakapag enrolled ha K12 private school, samtang ada naman ha
876, 275 an majority nga nag enroll ha publics school.
Dugang pa ni Calzita, an nasabi nga ihap in posible pa madugangan, matungod nga sigidas an pag abot han mga estudyante nga karuyag magpa enroll, nga waray makag enroll han nakatalaan nga panahon han enrollment.
Ha lain nga bahin, kadungan han pangarawat han enrollment para ha regular classes, nagkamayda gihapon enrollment para ha Alternative Learning System ALS, ngan mayda ine officially enrolled nga 9,962 students.
Ginklaro ni Calzita nga an ihap, ha regular classes ngan ALS, in tanan mga tentative numbers of enrollees, matungod nga an iba nga mga magturotdo in waray pa makagpasa han ira opisyal nga ihap han, nakapag enrolled students, matungod nga natapo mangud nga nasagipo an mga ine ha pagtikang han klase.
