TACLOBAN CITY– Maabot ha P4.328M an ginbabana-bana nga ginbayaan nga danyos ha sektor han agrikultura han paglasurbo ni Bagyong Enteng dinhi ha Sinirangan Bisayas, partikular na ha Northern Samar.
Sumala kan Chief Disaster Risk Reduction Section, Department of Agriculture Vlll, Malou Capili, ada ha 741 nga mga rice farmers an apektado ha Northern Samar matungod han mao nga bagyo.
Ginmalatumat naman ni Capili, nga mayda buffer stocks an ira buhatan, ngan ginhuhulat nala nira nga ma pinalisa na an ngatanan agud nga makagtikang na an mga ine pandistribwer.
Ginpaangbit pa hine nga an kada-LGU’s in mayda gihapon naka alutaga nga mga buffer stocks, kun diin ine anay iton kinahanglan igpandistribwer ha mga apektado.
Ginsigurado naman hiton Chief Disaster, nga andam an ira buhatan, pananglitan nga mag request an mga LGU’s hin bulig.
Ha lain nga bahin, maabot naman ha 96 nga mga parag-uma hiton mais an apektado ha Northern Samar, dara na gihapon han nasabi nga bagyo.
Samtang ada naman ha 9.47 hectars an nadarahigan ha pantag han kamaisan.
Ginbabana-bana naman nga maabot ha P742,000 an ginbayaan nga danyos ha nasabi nga pananom.
