NATIONAL – Ginkumpirma han Department of Health (DOH) nga nakaghipatik na hin pinakahataas nga ihap han mga kaso hin dengue an nasud.
Sumala kan Health Secretary Teodoro Herbosa, base ha monitoring han Epidemiology Bureau han DOH, mas hataas an dengue infections nga nahirecord nira ha mga bulan han Setyembre, Oktubre ngan Nobyembre yana nga tuig kumpara dida han 2023.
Kasumpay hini, mahugot an pahimatngun han buhatan ha mga lokal nga ehekutibo nga magdumara hin mga pamaagi para malikayan an mas paghataas pa han kaso hiton mao nga sakit nga nakukuha ha lamok.
Labot la hini, nagpahimatngun gihapon an DOH ha publiko kasumpay ha posible nga paghataas han respiratory illnesses, sugad han ubo, sipon ngan magin an COVID-19 tungod han mahagkot nga panahon yana nga nagtitikang na an Amihan season
