Ginsigurado han Department of National Defense (DND) an sakto nga manpowers ngan assets, ha kaluyo han magkasusrunod nga bagyo nga umigo ha nasud.
Kun babalikan, tulo nga bagyo na an umigo ha Pilipinas yana nga bulan han Setyembre ngan ikaupat na an bagyong Opong.
Pagsisigurado pa ni DND Sec. Gilberto Teodoro Jr., nagpapabilin nga maupay ngan supresyente an mga search, rescue, ngan humanitarian operations assets han nasud agud bumaton ha bisan anuman nga panginahanglan ha magkaduru-dilain nga parte han nasud.
Labot ha mga gamit han Office of Civil Defense, naka-andam daw gihapon an air, naval, ngan iba pa nga transportation assets han Armed Forces of the Philippines (AFP) nga pwede magdara han mga relief supplies ha hagrayo nga lugar o magdumara hin search and rescue operations ha ginbabaha nga lugar.
Dako nga bulig gihapon an maupay nga koordinasyon ha butnga han ahensya han gobyerno ha haluag nga pagbaton ha mga apektado nga kumunidad, kun diin gindadara ha publiko an magkaduru-dilain nga serbisyo sugad han medical, food, sanitation, ngan iba pa.
