Gin pahayag ni Davao City Mayor Sebastian Duterte nga waray hiya plano dumalagan ha mas hitaas nga posisyon ha 2028, mahuman nga igpahayag nga hiya in ‘kapoy ngan takas na’ hiya ha politika.
Ginbuhat hini an pahayag mahuman nga bisitahon an iya tatay nga hi anay presidente Rodrigo Duterte ha The Hague, Netherlands.
Ini na an umako ha pagmamangulo han syudad mahuman nga dire makapanumpa an iya tatay.
Kasumpay han plano nga pagdalagan ha pagkapresidente han iya bugto nga hi VP Sara Duterte ha 2028, ginmalatumat han alkalde nga mas karuyag niya nga magpabilin ha Davao.
Nagpahayag gihapon ini hin kawaray pagtapod ha International Criminal Court (ICC), nga nakapot ha kaso nga crimes against humanity kontra ha anay presidente.
Samtang, iginduon han administrasyon ni Presidente Ferdinand Marcos Jr. nga sumugot la an gobyerno ha obligasyon hini nga makigbinuligay ha international tribunals.
