TACLOBAN CITY – Naglalaum an dati nga provincial director han Samar Police Provincial Office (SPPO) nga magkakaada hin hilarom nga imbestigasyon an mga kapulisan agud nga masolbar an kaso han pagkamatay ni Mayor Ronald Aquino sugadman an unom nga iba pa nga mga nadabi ha insidente ha Calbayog City.
Sumala kan Pol. Col. Dante Novicio, anay provincial director han SPPO ngan yana in tagmangulo han Southern Leyte Police Provincial Office (SLPPO), ha iya pito kabulan nga pagserbi ha Samar in natuman nga election period ngan damo nga shooting incidents an nahipatik kun diin magkadirudilain la an naging motibo ngan anggulo han mao nga mga insidente.
Tungod hini in naglalaum hi Novicio nga kikitaon ha imbestigasyon an tanan nga anggulo sugad nala han pulitika, private armed groups (PAGs) ngan iba pa.
Nahibaruan nga han nakalabay nga eleksyon han tuig 2019, sunod-sunod nga mga insidente ha Calbayog an nahipatik kalakip na an pamusil-patay ha pira nga mga kapitan, supporters hin mga pulitiko ngan sugadman mga harassment.
