-- Advertisements --
NATIONAL NEWS– Ginsigurado han buhatan hiton Department of Agriculture nga magpapadayon an ira operasyon kontra ha mga agricultural smugglers ha nasud.
Kasumpay hine, ginkompirma han ahensysa nga nakatalaan nira igdespatsa an mga nakumpiska nga sibuyas ha MindanaoInternational Container Terminal nga positibo ha E. coli bacteria.
Manunumduman han nakalabay nga bulan, nakumpiskar an nasabi nga mga produkto ngan dayon ine iginpailarom ha pag-istudyo.
Sumala kan Agri Secretary Francisco Tiu-Laurel Jr., nakitaan ine nga mayda hitaas nga lebel han E. coli karuyag sidngon in kontaminado ine.
Panuyo han nasabi nga pitad in malikayana nga maka-konsumo an publiko han nasabi nga produkto ngan dire na ine magsarang pa ha mga merkado.
