Gin pahugot na han Department of Agriculture (DA) an mga interbensyon ha merkado agud maproteheran parehas an mga mamaralit ngan producers tikang ha posible nga pagsipa han presyo han mga papliton ha butnga han epekto han nagpapadayon nga kasamok ha Middle East.
Ha usa nga pahayag, ginmalatumat ni Agriculture Secretary Francisco Laurel Jr. nga ginpakusog pa nira an gindudumara nga monitoring ha mga presyo ngan nagbubug-os na gihapon hin contigency plan agud masecure an importantre nga suplay.
Sumala ha sekretarya, partikular nga nakapokus an gobyerno ha pagsigurado nga mayda supresyente nga food ngan farm inputs agud maakos an tigdaay o duro nga paghitaas han presyo mahitungod han mga kasamok ha Middle East.
Dugang pa, bisan man nagawas nga supresyente yana an lokal nga suplay, prayoridad han gobyerno an stability agud mapugngan nga maapektaran an kabug-usan nga pagbabag-o han households.
An nasabi nga pitad in kasunod han datos tikang ha Philippine Statistics Authority (PSA) nga nagpapakita nga sumipa ha 2.5% an inflation ha 30% income households han nasud dida han Pebrero han presente nga tuig.
