NATIONAL – Maglulunsar an Department of Agriculture hin usa nga mahugot nga kampanya kontra ha rice pricing manipulation mahuman nga gumawas an mga notisya nga daw pan-aabuso han pira nga mga negosyante ngan retailer, nga nagdadara han pagsasamantala ha mga mamaralit ha Pilipinas.
Sumala kan DA Secretary Francisco Tiu Laurel Jr. nga mayda hira sakto nga rason agud tumuod nga may pira nga mga negosyante ngan retailer nga gintutuyo nga manipyulahon an mga mamaralit ha pamamaagi han paggamit hin mga branded nga imported nga bugas agud pahitaason an presyo.
Kumo kaparte han solusyon, ginmalatumat ni Laurel an pagtanggal han mga brand label ha mga imported nga bugas.
Ginmanduhan gihapon niya an pagtanggal han mga label nga sugad hiton “premium” ngan “special” ha mga imported nga bugas, matungod ini in gingagamit agud ipahitaas an presyo.
Samtang, an mga bugas naman nga lokal nga igintanom in dire sakob ha nasabi nga kamanduan ini mangud in agud proteheran an mga parag-uma ngan an ira mga negosyo.
