NATIONAL – Ginduduso han Department of Agriculture yana nga 2026 an plano agud mapahitaas an produksyon han harang, maparig-on an mga pananom kontra ha klima, ngan magdara pa hin sobra nga akos nga mapag-andaman an suplay ngan presyo hini.
Kasunod ini han madagmit nga paghitaas han presyo hini ha panahon han kat-uran kun diin ginbabaligya ini ha kantidad nga P800 an kada kilo dida han Setyembre.
Sumala kan Agriculture Sec. Francisco Tiu Laurel Jr., nga karuyag niya nga magbag-o an cycle ha pamamaagi han paggamit han mas maupay nga datos ngan produksyon nga marig-on ha klima.
Gintagan-duon gihapon hini nga kinahanglan matanom gihapon an harang ha damo nga lugar ha nasud dire la ha Bicol ngan maparig-on an potensyal ha pagtatanom ha ilarum han High Value Crops program han DA.
Samtang, labot la ha pagpapahamubo han presyo han harang nga amo an prayoridad han ahensya, target gihapon han DA nga maibanan an pag-import han munggos yana nga tuig.
