NATIONAL – Gin aghat ni Philippine National Police (PNP) Chief PGen. Nicolas Torre III hi anay Presidential Spokesperson Atty. Harry Roque nga kumo usa daw hiya nga abogado in sakto la nga atubangon na niya an iya mga kaso ngan bumalik na ha Pilipinas.
Dugang pa ni Torre, dire na ine an mga kaso nga pwede pa dad-on ha mga karsada para magdumara hin mga katitirok o rally, ngan kinahanglan na daw hine nga maisumite an iya kalugaringon ha korte ngan amu pala an paghatag hin mga argumento kasumpay ha iya kaso.
Sumala pa hine, mas maupay ig igsusurender nala ni Roque an iya kalugaringon pati na gihapon an 49 nga iba nga dabi ha kaso nga may paghisumpay ha pagsarang han ilegal nga Philippine Offshore Gaming Operations (POGO) ha nasud.
Samtang, sumala pa ha bag-o nga lider han PNP, usa la an pakikigsumpayan han gobyerno han Pilipinas ha International Criminal Police Organization (Interpol) ha mga mekanismo nga pwede nira magamit para ha posible nga repatriation ni Roque pabalik ha nasud.
